Gylfi Zoëga, prófessor í hagfræði við Háskóla Íslands, segir óveðursský liggja á sjóndeildarhringnum sem gætu valdið nýrri kreppu á alþjóðavísu. Jafnframt segir hann heiminn minna tilbúinn í efnahagslegar sviptingar nú og hann var fyrir áratug síðan, en bætir þó við að Ísland standi betur að vígi en flest önnur lönd. Þetta kemur fram í ítarlegri grein Gylfa í nýjasta tölublaði Vísbendingar sem kom út í gær.
Í grein sinni skrifar Gylfi um stöðu efnahagsmála í heiminum í dag, en samkvæmt honum hefur hún vænkast á undanförnum tíu árum með auknum hagvexti og meira eftirliti með fjármálastofnunum. Hins vegar séu ýmis viðvörunarljós í hagkerfum Vesturlanda og nýmarkaðsríkja farin að blikka, einkum vegna aukinnar skuldsetningar, vaxtamunaviðskipta og pólitískra átaka.
Nánar á
https://kjarninn.is/frettir/2018-07-05-segir-haettur-stedja-ad-heimshagkerfinu/