Ari Matthíasson, Þjóðleikhússtjóri kemur til dyranna eins og hann er klæddur í Mannamálsviðtali kvöldsins, en þar fjallar hann jöfnun höndum um feril sinn sem leikari og viðureign sína við Bakkus konung sem hann hafði betur gegn fyrir all nokkrum árum.
Hann lýsir því einkar vel í viðtalinu hvernig það er að höndla á stundum það óægilega vald sem helsti leikhússtjóri landsins hefur, en ugglaust eigi margir vinir hans í leikarastétt eftir að leggja fæð á hann fyrir að velja þá ekki í bestu rullurnar á komandi leikárum.
Hann talar opinskátt um þau örlög sín að vera rekinn sem leikari í Borgarleikhúsinu, væntanlega vegna þess hvað hann var farinn að drekka mikið og illa, en þá hafi hann verið búinn að lifa í algerri sjálfsblekkingu um margra ára skeið - og hafi þar brugðist börnum sínum og eiginkonu.
Hann segir á áhrifaríkan hátt frá því hvað það er mikill léttir að vera laus undan ánuð brennivínsins, en vísast séu listamenn og allt skapandi fólk mjög útsett fyrir drykkju og óreglu, alltént hafi æði margir úr vinahópi hans innan leiklistarinnar farið á snúruna.
Mannamál byrjar klukkan 20:30 í kvöld.
