Öllum Víðisverslunum hefur verið lokað, segir í frétt mbl.is. Þar segir að hins vegar fáist engin svör fást frá stjórnendum fyrirtækisins og því óljóst hvort fyrirtækið sé gjaldþrota en í gluggum búðarinnar segir að lokað sé vegna breytinga. Eitthvað hefur borið á vanskilum en núna liggja á annan tug milljóna í ferskri matvöru undir skemmdum í lokuðu búðunum. Starfsfólk hefur fengið greidd laun en í fréttinni segir að það hafi haft samband við VR stéttarfélag sitt til að spyrjast fyrir um hvað sé í gangi. VR hefur ekki fengið nein svör þegar spurst var fyrir um hvers eðlis lokunin væri.