Argentínskir fjölmiðlar tæta argentínska landsliðið í sig í umfjöllun sinni eftir háðuæegt 3:0 tap Argentínumanna gegn Króötum á HM í knattspyrnu í gær þar sem þeir voru hreinlega yfirspilaðir á köflum.
„Hafi leikurinn á móti Íslendingum valdið efasemdum þá eyðilagði leikurinn á móti Króötum drauma þúsunda. Þeir sem höfðu enn trú á liðinu eftir leikinn á móti Íslendingum fengu þungt högg á höfuðið. Það er engin von. Þetta er ekki lið,“ hefur mbl.is eftir argentínska blaðinu Clarin í dag. Og ennfremur: „Argentína var niðurlægð af Króatíu og það verður mjög erfitt að komast áfram upp úr riðlinum,“ segir í umfjöllun blaðsins La Capital. Og það vantar ekki saltið í sárin: „Argentína var vitni að martröð og tapaði leiknum 3:0. Leikurinn var merki um algjört hrun argentínska landsliðsins,“ segir í umsögn blaðsins La Voz. Loks vitnar Moggi í fótboltatímaritið Olé: „Þjálfarinn fann ekki áttavita fyrir lið sem hefur ekki skýran leikstíl. Hann breytti liðinu frá leiknum á móti Íslandi en það var ekki að sjá,“
