Um 4000 manns hafa skrifað undir á lista sem gengur á netinum á sérstakri íslenskri facebooksíðu, þar sem ríkisstjórnin er hvött til að fordæma aðgerðir bandarískra stjórnvalda gegn innflytjendum við landamæri Mexíkó og Bandaríkjanna.
Bandarísk yfirvöld hafa undanfarnar vikur aðskilið börn frá foreldrum sínum við komuna til Bandaríkjanna þar sem foreldrarnir eru grunaðir um að vera ólöglega á ferð inn í landið.
Mótmæli eru skipulögð á morgun í Reykjavík. Á fyrrnefndri fb síðu er þessi tilkynning:
„Við ætlum að hittast á Austurvelli með kerti og mótmælaspjöld og ganga þaðan að bandaríska sendiráðinu. Við krefjumst þess að aðskilnaði barna og foreldra stoppi umsvifalaust. Og við krefjumst þess að mannúðlega sé komið fram við flóttafólk allsstaðar.
Við göngum fyrir mannúðlegri og opnari heimi. Þar sem manneskjur eru manneskjur óháð þjóðerni. Við lokum ekki börn í búrum.
Gangan er ekki bara mótmæli gegn ómannúðlegri stefnu Bandaríkjanna gagnvart flóttafólki frá suðurameríku. Gangan er meðmæli með mannúðlegri stefnu í bæði Bandaríkjunum og Evrópu. Á Ítalíu hefur björgunarskipum verið bannað að koma til hafnar, á Grikklandi er flóttamannabúðir handan við grindverk. Þetta er alþjóðlegt vandamál sem við sem land Í Schengen þurfum líka að axla ábyrgð á. En ástæða þess að við göngum núna er framkoma Bandaríkjastjórnar gagnvart börnum og foreldrum. Við göngum fyrir mennskari heim. Heim þar sem skipum er ekki vísað frá landi og þar sem börn eru ekki lokuð í búrum“.
Í frétt á Mbl.is í dag segir „Sífellt meira er að koma í ljós varðandi aðbúnað barnanna og hafa jafnvel smábörn verið tekin frá foreldrum sínum og send í sérstakar búðir fyrir börn yngri en þrettán ára. Jafnvel börn á fyrsta ári. Þegar Rachel Maddow fréttamaður hjá AP sagði fréttina af búðunum í Suður-Texas brast hún í grát og endaði með því að gefast upp á því að flytja fréttina“.
„Lögfræðingar og læknar sem hafa heimsótt búðirnar í Rio Grande segja að þarna séu leikherbergi yfirfull af grátandi smábörnum“, segir í Mbl.is sem vísar í Guardian.