Miklu skiptir fyrir Donald Trump, forseta Bandaríkjanna, að Repúblikanaflokkurinn hafi haldið meirihluta í öldungadeild Bandaríkjaþings í þingkosningunum sem fram fóru í gær þrátt fyrir að hafa tapað meirihluta sínum í fulltrúadeildinni. Ekki síst vegna þeirra rannsókna sem verið hafa í gangi á meintum tengslum kosningateymis hans við rússneska ráðamenn.
Meirihluti Repúblikanaflokksins í öldungadeildinni skiptir Trump einnig máli þar sem það þýðir að repúblikanar verða áfram í aðstöðu til þess að skipa íhaldsmenn í alríkisdómstóla sem er háð samþykki öldungadeildarinnar. Þar með talið í Hæstarétt Bandaríkjanna komi upp sú staða að skipa þurfi hæstaréttardómara á meðan aðstæður eru með þeim hætti.
Nánar á
https://www.mbl.is/frettir/erlent/2018/11/07/mikilvaegt_ad_halda_oldungadeildinni/