Fiskistofa hefur úthlutað aflamarki fyrir fiskveiðiárið 2018/2019.
Vefur Morgunblaðsins, 200 mílur sem fjallar um sjávarútveg tekur þetta saman er frétt sem sjá má hér.
Þar kemur fram að ríflega 86 prósent af heildaraflamarki nýs fiskveiðiárs fara til 50 fyrirtækja, sem er 1,7 prósent lægri tala en í fyrra. Alls fá 416 fyrirtæki eða lögaðilar úthlutað veiiheimildum nú eða 44 fleiri aðilar en í fyrra.
Í ár fær HB Grandi í Reykjavík, líkt og í fyrra, mestu úthlutað til sinna skipa eða 8,9 prósent af heildinni. Samherji á Akureyri er þar á eftir með 6,3 prósent og því næst Þorbjörn hf. í Grindavík með 5,5 prósent. Þetta er líkt og undanfarin ár.
Mest af aflaheimildum að þessu sinni fer til skipa sem skráð eru í Reykjavík eða 11,7 prósent af heildinni samanborið við 12,3 prósent í fyrra. Grindavík er líkt og unanfarin ár í öðru sæti og fær rúmlega 11 pottinum og bætir við sig 0,3 prósentum milli ára. Vestmannaeyjaskip ráða yfir 10,8 prósent kvótans.
Alls úthlutar fiskistofa nú kvóta til alls 540 skipa og báta. Togararnir eru 42, aflamarksskip 115, smábátar með aflamark eru 68 og krókaaflamarksbátar 315.
Meira um úthlutunina hér á vef Fiskistofu.