Ef WOW air hverfur af flugmarkaði gæti það leitt til þess að landsframleiðsla myndi dragast saman um 0,9 til 2,7 prósent á einu ári.
Þetta kemur fram í niðurstöðum rannsóknar sem ráðgjafarfyrirtækið Reykjavík Economics vann að beiðni flugfélagsins um efnahagsleg áhrif þess á íslenskan þjóðarbúskap.
Fréttablaðið greinir frá þessu.
Rannsóknin sýnir einnig að brotthvarf WOW air yrði til þess að gengi krónunnar veiktist sem kæmi svo fram í hækkun innflutningsverðs og aukinni verðbólgu. Þúsundir manna myndu missa vinnuna og afkoma hótela, veitingahúsa og fleiri fyrirtækja í ferðaþjónustu og tengdum greinum rýrnaði.
Fram kemur í skýrslunni að brotthvarf WOW air af markaði verði ekki endilega til þess að önnur flugfélög ákveði að fljúga yfir Atlantshaf með millilendingu á Keflavíkurflugvelli. Hugsanlega myndu þau fljúga beint á milli Evrópu og Ameríku án þess að koma við hér á landi.
Nánar á
https://www.mbl.is/vidskipti/frettir/2019/03/23/gaeti_dregist_saman_um_2_7_prosent/