Enn var kki ljóst í morgun hveersu alvarleg meiðsli Gylfa Þórs Sigurðssonar eru, en hann kenndi sér meins í hné eftir viðureign Everton og Brighton í leik í ensku úrvaldsdeildinni um helgina. Óttast er að meiðslin séu það alvarleg að Gylfi geti ekki keyppt með íslenska landsliðinu á HM í sumar.
Í fréttatilkynningu Everton kom fram að Gylfi hefði átt að fara til skoðunar hjá sérfræðingi í gærkvöld en niðurstöður úr þeirri skoðun liggja enn ekki fyrir. Í tilkynningunni segir að svo gæti farið að Gylfi yrði frá keppni í nokkrar vikur vegna meiðslanna. .
Morgunblaðið leitaði álits hjá Gauta Grétarssyni sjúkraþjálfara, sem þjálfaði Gylfa þegar hann var yngri, en Gauti sagði í raun ómögulegt að segja strax til um hvers kyns meiðslin væru og hve lengi Gylfi kæmi til með að vera frá keppni.
„Það er náttúrlega verst að hann skuli hafa verið látinn spila áfram eftir þetta. Þetta er áverki og svo er hjakkast á þessu, og það safnast upp vökvi. Maður veit ekkert um það hver staðan er, vökvinn er bara svo mikill fyrst á eftir að það er ekki hægt að skoða þetta. En þegar eitthvað svona gerist og menn hjakkast á þessu áfram er alltaf hætta á að skemma eitthvað meira,“ sagði Gauti við Morgunblaðið.
