Bensínverð á Íslandi hefur hækkað um 4 krónur frá því um miðjan desember þrátt fyrir styrkingu krónunnar. Hlutur ríkisins er nú rúmlega 58% af útsöluverði bensíns. Hlutur ríkisins hefur aldrei verið hærri. Það munar mest um hækkun opinberra gjalda samanber fjárlög ársins 2017.
Bensínverð á Íslandi er fjórum krónum hærra núna, um miðjan janúar, en það var í desember. Þetta sést í bensínvakt Kjarnans þar sem skoða má sundurliðað bensínverð og þá kostnaðarliði sem mynda bensínverð hér á landi. Skýra má stærstan hluta hækkunarinnar með hækkunum opinberra gjalda en hlutur ríkisins í bensínverði hefur aldrei verið meiri en hann er nú 58,22 prósent.
Almennt bensíngjald hækkaði úr 25,6 krónum á lítrann í 26,60 kr, sérstakt bensíngjald hækkaði úr 41,3 krónum í 43,25 krónur og kolefnisgjald hækkaði um 25 áura á líter en það er nú 5,50 krónur.