„Það sem við erum að finna er að það er ákveðin óþreyja hjá ákveðnum hópi í samfélaginu sem finnst að það þurfi að ræða meðal annars krónuna og peningamálastefnuna,“ segir Þorgerður Katrín Gunnarsdóttir formaður Viðreisnar í samtali við blaðamann mbl.is. Viðreisn kynnti áherslur sínar fyrir komandi þingvetur á blaðamannafundi í morgun.
Þorgerður Katrín segir að Íslendingar, sem ferðist nú meira en áður, spyrji sjálfa sig að því af hverju Ísland þurfi að vera svona dýrt. „Við erum að segja, það þarf ekki að vera það,“ segir Þorgerður Katrín.
„Við stjórnmálamennirnir getum gert þetta sjálf með ákveðnum ákvörðunum, með því til dæmis að breyta um peningamálastefnu, sem ég segi að sé eftirspurn eftir, fólk er að sjá þennan vaxtakostnað og matarkostnað, þetta eru bara sláandi tölur sem tala sínu máli,“ segir Þorgerður Katrín og vísar þá til samanburðar á þessum útgjaldaliðum við önnur Norðurlönd.
Nánar á
https://www.mbl.is/frettir/innlent/2018/09/08/vaeri_gridarlegt_tjon_ad_ganga_ur_ees/