Drífa Snædal, framkvæmdastjóri Starfsgreinasambandsins, útilokar ekki að bjóða sig fram til formennsku í Alþýðusambandinu. Í samtali við mbl.is segist hún ekki hafa tekið neina ákvörðun en hún hugsi nú málið.
Í frétt Mbl.is segir að nafn Drífu sé eitt þeirra hefur komið upp í umræðunni um arftaka Gylfa Arnbjörnssonar í embætti forseta. Einnig var Aðalsteinn Á. Baldurssonar, formaður Framsýnar á Húsavík nefndur til sögunnar en hann lætur mikið að sér kveðja jafnan í umræðunni og hefur slegist í lið með formanni VR og Eflingar þar sem róttækra breytinga innan hreyfingarinnar er krafist. Aðalsteinn hefur þó ekki ætla fram. Það hefur hins vegar Stefán Mar Albertsson, framkvæmdastjóri AFLs starfsgreinafélags. Sólveig Anna Jónsdóttir nýr formaður Eflingar mun ekki fara fram.
Drífa segir marga hafa komið að máli við sig bæði innan Starfsgreinasambandsins og víðar úr hreyfingunni. Í samtali við Mbl. segir hún: „Ég reikna ekki með að taka neina ákvörðun fyrr en í haust,“ segir Drífa en kosið verður um formann á þingi ASÍ í október.