Ólafur Ragnar Grímsson, fyrrverandi forseti Íslands, segir að dagbækur og minnisbækur sem hann hélt í forsetatíð sinni, og hefur nú afhent Þjóðskjalasafni, muni meðal annars varpa ljósi á það af hverju hann tók ákvörðun um að synja Icesave-frumvarpinu staðfestingar á sínum tíma. Þetta kom fram í þættinum Með Loga sem sýndur er í Sjónvarpi Símans í kvöld.
Ólafur sagðist hafa haldið dagbækur frá því hann var í menntaskóla og hann hefði haldið dagbókarskrifum sínum áfram eftir að hann varð forseti. Bækurnar hafi hann allar geymt ásamt minnisfærslum. Sagði hann þessar bækur geyma frásagnir af öllum helstu samtölum sem hann átti, bæði við ráðamenn þjóðarinnar og erlenda ráðamenn, á meðan hann var forseti.
Nánar á
https://www.mbl.is/frettir/innlent/2018/09/20/dagbaekur_olafs_varpa_ljosi_a_icesave/