Sólveig Anna lét pólitískan kjána hleypa sér upp

Sólveig Anna lét pólitískan kjána hleypa sér upp

Formaður Eflingar sýnir nú aftur og aftur að hún veldur ekki embætti sínu. Þegar fólk er komið á stóran stall í þjóðfélaginu þá verður það að þola pressuna sem því fylgir og kunna sér hóf í opinberri umræðu.

Sólveig Anna Jónsdóttir, formaður Eflingar, hefur fallið á prófinu hvað þetta varðar. Hún lætur minnipokafólk úr hópi andstæðinga sinna hleypa sér upp í stað þess að leiða ómerkilega gagnrýni hjá sér.

Nýjasta dæmið er tal hennar um að hlaupastelpa úr Sjálfstæðisflokknum sem skaut á hana sé “fyrirlitleg” og annað eftir því. Betra hefði verið að leiða skítkast Sigríðar Hallgrímsdóttur hjá sér því fáir nenna að taka mark á henni. Hún er að sönnu í Sjálfstæðisflokknum og hefur reynt heil ósköp að konast þar áfram en án mikils árangurs. Hana langaði t.d. að komast í borgarstjórn sl. vor en fékk engan hljómgrunn. 

Sigríður þessi er engin talsmaður Sjálfstæðisflokksins eins og Sólveig Anna reyndi að halda fram. Hún hefur enga stöðu í flokknum.

Formaðir Eflingar þarf að kunna að velja sér andstæðinga. Hún á ekki að skjóta spörfugla með fallbyssum, svo vitnað sé í fræg orð fyrrum forsætisráðherra.

Sólveig Anna má ekki láta Gunnar Smára æsa sig upp í dónalegt pex við fólk sem stendur ekki fyrir neitt.

Rtá.

Nýjast