Ásmundur Friðriksson er úti að aka

Ásmundur Friðriksson er úti að aka

Ásmundi Friðrikssyni þingmanni Sjálfstæðisflokks finnst ekkert athugavert við það að þyggja aksturspeninga frá Alþingi sem nema tvöföldum lífeyri öryrkja á mánuði. Aksturspeningar hans árið 2017 námu 4,6 milljónum króna eða að meðaltali 385,000 krónum á mánuði. Um er að ræða meðaltal allra mánaða en þingið starfar ekki allt sumarið og tekur löng páskaleyfi og jólahlé.

 

Ásmundur boðar meðal annars aðhald og sparnað í ríkisrekstri í málflutningi sínum á Alþingi. Miðað við framangreindar fjárhæðir er tvískinnungur hans yfirgengilegur. Í samtölum við fjölmiðla virðist honum ekki þykja þetta mikið mál eða merkilegt. Valdhrokinn er auðsær og mjög í anda annars sem kemur frá Sjálfstæðisflokknum þessa dagana eins og allur málflutningur Sigríðar Andersen, hins dæmda dómsmálaráðherra, er trúlega besta dæmið um.

 

Þetta er svosem ekki í fyrsta skiptið sem þingmaðurinn Ásmundur er úti að aka. Skemmst er að minnast upphlaupa sem urðu í fyrra vegna kuldalegrar afstöðu hans til innflytjenda sem ekki varð til að hjálpa flokknum í kosningunum þar sem hann tapaði 5 þingmönnum og er nú með minnsta þingflokk sinn í sögunni.

 

Vitleysan í kringum Ásmund keyrir nú um þverbak með þessari nýjustu uppákomu.

 

Rtá.

Nýjast