Ég er búinn að fá mig fullsaddan af kostnaði við krónuna og úrræða- og metnaðarleysi íslenskra stjórnmálamanna til að takast á við þennan vanda,“ segir Þorsteinn Víglundsson, þingmaður og varaformaður Viðreisnar. Hann telur mikilvægt að staða krónunnar verði rædd opinskátt og þau áhrif sem hún hefur á neytendur í landinu.
Þorsteinn var ásamt þeim Rósu Björk Brynjólfsdóttur, þingmanni Vinstri grænna, og Jóni Gunnarssyni, þingmanni Sjálfstæðisflokksins, gestur Kristjáns Kristjánssonar á Sprengjusandi á Bylgjunni.
Dreifð sala í gagnsæju ferli
„Ég sit eiginlega og furða mig hvernig í ósköpunum geta stjórnmálamenn setið og talað um að við þessu þurfi ekkert að gera, að þetta sé ekkert vandamál,“ sagði Þorsteinn ennfremur þegar hann ræddi um húsnæðis- og neytendalánavexti hér á landi. Þeir séu 3-4x hærri enn í nágrannalöndunum og með því hæsta sem gerðist í hinum vestræna heimi.
Umræðan hófst um nýútgefna hvítbók um fjármálakerfið þar sem meðal annars er fjallað um kosti þess að koma hlutum ríkisins í bönkunum í sölu. Bæði Þorsteinn og Rósa voru sammála um að mikilvægt væri að vanda vel til verka með dreifðri sölu á markaði, í gagnsæju og öruggu ferli.
Nánar á