Garðpartý Bylgjunnar fer fram í Hljómskálagarðinum í kvöld. Fjölmargir listamenn stíga á stokk, þar á meðal hljómsveitin Dimma. Bubbi Mothens var bókaður með hljómsveitinni en mætir ekki þar sem hann hefur verið lagður inn á spítala.
Fréttablaðið greinir frá þessu.
Bubbi skrifar þessi skilaboð:
„Því miður verð ég ekki með Dimmu í Hljómskálagarðinum í kvöld á Menningarnótt eins og til stóð og ég hafði hlakkað svo til að njóta með ykkur. Ástæðan er sú að ég hef verið að glíma kvilla í nefi undanfarið sem ekki næst að koma í lag fyrir kvöldið - því miður. Ég hef verið lagður inn á Landspítalann til meðhöndlunar,“ segir í fb status.
