„Það er svo sem ekki hægt að gera stórar kröfur til fólks sem hugsar í lækum.“ Þetta segir Bjarni Helgason sem gagnrýnir harðlega fólk sem kallar eftir jafnrétti þegar kemur að umfjöllun um kvenna og karlabolta en mætir síðan sjálft aldrei á völlinn. Þá furðar hann sig á að konur styðji ekki betur við bakið á kvennaliðinu.
Bjarni bendir á að af 25.000 iðkendum sé rúmlega 8.000 kvenkyns og fjölgi hratt. Á sama tíma sé uppselt hjá karlaliðinu séu um 2000 mans að mæta þegar kvennaliðið spilar. Bjarni segir:
„Það erí tísku í dag að móðgast fyrir hönd annarra en ég fyrir mitt litla leyti fæ bara ekki skilið af hverju það mæta rúmlega 2.000 manns á landsleik á virkum degi í frábæru veðri. Þegar HM-kvenna fór fram í sumar kepptist fólk við að hrósa öflugum og litríkum knattspyrnukonum og drulla yfir grútlina og persónulausa knattspyrnumenn á sama tíma.“
Þá bætir Bjarni við að ekki sé hægt að gera stórar kröfur til fólks sem hugsi í lækum og telur Bjarni marga sem hafi tekið þátt í þeim umræðum séu hræsnarar. Bjarni segir að lokum:
„Það veldur mér hins vegar vonbrigðum að fólk sem hefur kallað eftir jafnrétti í knattspyrnuhreyfingunni hérna heima geti ekki drullað sér á völlinn. Þá finnst mér skítt, með fullri virðingu fyrir bæði konum og körlum, að konur standi ekki betur við bakið á öðrum konum með því að mæta með unga knattspyrnuiðkendur sína á leiki hjá kvennalandsliðinu.“