Það er algengur misskilningur fólks að ætla að ökutækjatryggingar snúist um bílinn og verðmæti hans. Þær lúta fyrst og síðast að fólki og því tjóni sem orðið getur á líkama og sál við slys og óhöpp úti í umferðinni.
Þetta kemur fram í þættinum Heimilið á Hringbraut í kvöld þar sem Hafsteinn Esekíel Hafsteinsson, trryggingarsérfræðingur hjá Sjóvá ráðleggur áhorfendum um tryggingamál, en hann er fastegestur í þáttunum - og fer vel á því, enda tryggingar af öllu tagi stór liður í bóhaldi heimilisins.
Í þættinum fer Hafsteinn yfir flest það sem lýtur að ökutækjatryggingum, meðal annars hvort ástæða sé til að kaskó-tryggja alla heimilisbíla og sitthvað um mikilvægi forvarna á þessum myrkasta tíma ársins.
Heimilið byrjar klukkan 20:00 í kvöld.
