Stuðningsmenn enska úrvalsdeildarliðsins Newcastle vilja að félagið kaupi íslenska landsliðsframherjann Alfreð Finnbogason í sumar, að því er fram kemur í Morgunblaðinu í dag, en Alfreð skoraði fyrsta mark Íslands frá upphafi á HM þegar hann jafnaði metin gegn Argentínumönnum í fyrsta leik Íslands á HM í Rússlandi á laugardaginn.
Alfreð, sem leikur með þýska liðinu Augsburg þar sem hann hefur átt góðu gengi að fagna, hefur af og til verið orðaður við Newcastle en hann skoraði 12 mörk fyrir Augsburg í þýsku 1. deildinni á síðustu leiktíð og varð markahæsti leikmaður liðsins.
Stuðningsmenn Newcastle hafa óskað eftir því að forráðamenn félagsins fái Alfreð í sumar en hér má sjá nokkrar twitter-færslur frá þeim.
